पुणे : बांधकाम व पायाभूत क्षेत्रात होणाऱ्या चांगल्या दर्जाच्या कामाला प्रोत्साहन देण्याच्या हेतूने बिल्डर्स असोसिएशन ऑफ इंडिया,पुणे सेंटरतर्फे दरवर्षी ‘वेल बिल्ट स्ट्रक्चर कॉम्पिटिशन’चे आयोजन केले जाते. यंदाही या स्पर्धेचे आयोजन करण्यात आले असून अर्ज भरण्याची शेवटची तारीख १० नोव्हेंबर आहे. रेसिडेन्सी क्लब येथे झालेल्या एका विशेष कार्यक्रमात या उपक्रमाची घोषणा करण्यात आली. या कार्यक्रमाला आयडीएससीच्या पुणे विभागाचे मुख्य अभियंता एस.के.जैन प्रमुख पाहुणे म्हणून उपस्थित होते.
‘या उपक्रमाचे हे २१ वे वर्ष असून पुरस्कार सोहळा ग्रँड शेरटन हॉटेल येथे १५ डिसेंबर रोजी होणार आहे. यासाठी दरवर्षीप्रमाणे यंदाही बी.जी.शिर्के कन्स्ट्रक्शन टेक्नोलॉजी प्रा.लि.ने प्रायोजक म्हणून आपले सहकार्य दिले आहे’, अशी माहिती वेल बिल्ट स्ट्रक्चर कॉम्पिटिशनच्या आयोजन समितीचे अध्यक्ष सिध्दार्थ शहा यांनी दिली.
आयोजन समितीचे समन्वयक सुनिल मते म्हणाले, ‘या उपक्रमामध्ये विविध गटातील पुरस्कार असतील.त्यामध्ये रेसिडेन्शियल (हाऊसिंग कॉम्प्लेक्स),रेसिडेन्शियल बंगलो, रो हाऊसेस,स्टँड अलोन बिल्डिंग्स, रेसिडेन्शियल (अफॉर्डेबल हाऊसिंग),कमर्शियल (मॉल्स,ऑफिसेस,इन्स्टिट्युशन्स,हॉटेल्स,हॉस्पिटल्स,थिएटर्स),वेल इक्विप्ड वेल मेकनाइज्ड साईट, इंडस्ट्रीयल,इन्फ्रास्ट्रक्चर (ब्रिजेस,फ्लायओव्हर्स,ईएसआर इत्यादी) गव्हर्नमेंट, सेमी गव्हर्नमेंट,पब्लिक वर्क, ज्युरीज रेकमंडेशन आणि यंग आंत्रप्रेन्युअर या पुरस्कारांचा समावेश आहे’.
बीएआय पुणे सेंटरचे अध्यक्ष जगन्नाथ जाधव म्हणाले ‘हा प्रतिष्ठित पुरस्कार असून बांधकाम व पायाभूत क्षेत्रात सध्या चालू असलेल्या कामातील उत्कृष्टता दर्शविते.अशा कामांना आम्ही या उपक्रमाद्वारे प्रोत्साहन देण्याचा प्रयत्न करतो. दरवर्षी सर्व आघाडीचे बांधकाम व्यावसायिक,कॉन्ट्रॅक्टर्स व या क्षेत्राशी निगडीत कंपन्या या उपक्रमात सहभागी होतात’.
